Yanvarın 27-də
xocalıların müvəqqəti məskunlaşdığı Goranboy rayonu Aşağı Ağcakənd qəsəbəsində
Xocalı şəhər İƏD-si üzrə nümayəndəliyinin 2022-ci ildə gördüyü işlərə və qarşıda
duran vəzifələrə həsr edilmiş hesabat iclası keçirildi.        Hesabat
iclasında Xocalı rayon İcra Hakimiyyətinin başçısı Şahmar Usubovla birgə,
Xocalı Rayon Polis Şöbəsinin rəisi Zaur Nəbiyev, Xocalı Rayon İcra Hakimiyyəti
Aparatının Ərazi idarəetmə və yerli özünüidarəetmə orqanları ilə iş şöbəsinin
müdiri Səxavət Hüseynov, Xocalı rayon İHB-nın Xocalı şəhər İƏD-si üzrə nümayəndəsi
Tacir Əzizov və sakinlər iştirak etdilər.        Reqlamentə
uyğun olaraq hesabatı aparmaq üçün sədr və katib seçildi.        Sonra Xocalı
rayon İHB-nın Xocalı şəhər İƏD-si üzrə nümayəndəsi Tacir Əzizov hesabat məruzəsi
ilə çıxış edərək ölkəmizin uğurlarından, nümayəndəliyin tabeliyində olan müəssisələrin
fəaliyyətindən və 2022-ci il ərzində görülən işlərdən danışdı.Hesabat məruzəsini
qənaətbəxş qiymətləndirən rayon icra hakimiyyətinin başçısı Şahmar Usubov
çıxışında 44 günlük Vətən müharibəsinin məntiqi nəticəsi olaraq Qarabağa Böyük
Qayıdışa dair Dövlət Proqramından, əhalinin sosial rifah halının artırılması
istiqamətində həyata keçirilən tədbirlərdən danışdı.        Hesabat
iclasının qərarı oxundundan sonra sakinləri narahat edən problemlər dinlənildi. Sakinlər Yuxarı Ağcakənd qəsəbəsinə piyada dayanacağının tikilməsi, qəsəbədaxili
yolların təmiri, Goranboy rayonu ərazisində salınmış Yeni yaşayış massivində
içməli su anbarının təmizlənməsi kimi ümumi məsələlərlə yanaşı, işlə təminolunma,
ayrı təsərrüfat kimi qeydiyyata alınma və digər fərdi problemlərin həlli üçün
müraciət etdilər.        İcra başçısı
qəbulda iştirak edən sakinləri dinləyərək onların qaldırdıqları problemlərin həll
olunması üçün müvafiq tapşırıqlar verdi.